City, Forest, Villa en Palace deur na FA-beker se halfeindrondeMarch 31, 2025

Manchester City het ʼn FA-beker-halfeindwedstryd op die Wembley-stadion teen Nottingham Forest bespreek. City, wat die trofee laas in 2023 gewen het, het die sewende agtereenvolgende jaar die laaste vier gehaal nadat hulle Bournemouth met 2-1 geklop het. Forest het hulle eerste FA-beker-halfeindronde sedert 1991 gehaal toe hulle met Brighton afgereken het. In die ander halfeindwedstryd kom Crystal Palace, wat Fulham met 3-0 afgeransel het, teen Aston Villa te staan wat die Kampioenskapspan, Preston North End, ook met 3-0 kafgedraf het.