Waar’s die beloofde pensioen verhoging?March 28, 2025

Ondanks president Netumbo Nandi-Ndaitwah se groot verkiesingsbeloftes dat Namibië se oues van dae meer pensioen sal ontvang, het finansminister Ericah Shafudah nie ‘n enkele woord daaroor gerep in haar eerste begrotingstoespraak nie. Sy het wel gesê ‘n totaal van 7,2 miljard Namibiese dollar is vir verskeie maatskaplike toelae opsy gesit, maar geen besonderhede verskaf nie. Tydens haar verkiesingsveldtog verlede jaar het Nandi-Ndaitwah gesê sy sal wyle president Hage Geingob se belofte gestand doen om staatspensioene na 3 000 dollar te verhoog. Tans kry oumense 1 600 dollar per maand.