VSA vra vir vrylating van Machar in Suid-SoedanMarch 27, 2025

Die Verenigde State doen ‘n beroep op Suid-Soedan se president Salva Kiir om sy politieke oppoent en eerste visepresident, Riek Machar, wat onder huisarres is, vry te laat. Machar se SPLM-IO-party het Woensdag gesê die minister van verdediging en hoof van nasionale veiligheid het Machar se woning binnegegaan en ‘n arrestasiebevel afgelewer. Machar word saam met sy vrou en twee lyfwagte by sy huis aangehou. Spanning tussen Machar en Kiir neem reeds ‘n geruime tyd toe en daar is kommer dat die burgeroorlog kan terugkeer.