Wêreld-gloukoomdag: Kry gereeld oogskanderingsMarch 12, 2025

Die Suid-Afrikaanse Gloukoomvereniging waarsku slegs een uit elke 20 mense weet hulle het gloukoom, ‘n hoofoorsaak van onomkeerbare blindheid. Ter herdenking van Wêreld-gloukoomdag moedig kenners mense aan om gereeld oogskanderings te laat doen om die siekte vroeg op te spoor en blindheid te voorkom. Studies toon vier-persent van mense in Sub-Sahara-Afrika word geraak met meer gevalle by swart gemeenskappe. Philip Phatudi van die vereniging sê 50-persent van pasiënte is blind in een oog teen die tyd dat hulle hulp soek.