Eerste 3-op-3-Showdown basketbaltoernooi oop vir registrasies

Die Namibiese basketbalfederasie-onderskryfde Katima Kings 3-op-3-Showdown-toernooi sal op 21 Maart op Unam se Katima Mulilo-kampus plaasvind. Hierdie eerste kompetisie baan die weg vir ‘n reeks jaarlikse Court Kings 3-op-3-toernooie wat in elke streek gehou sal word. Die 3-op-3-toernooi is oop vir spanne uit alle streke. Registrasies is nou oop tot 17 Maart, en kos 500 Namibiese dollar per span van drie, met een ekstra plaasvervanger-speler. Slegs 12 spanne kan inskryf. Die kampioene kry ‘n kontantprys van 10 000 dollar, die naaswenners kry 5 000 dollar en die tweede naaswenners 3 000 dollar.