Goedgekeurde residensiële bouplanne daal skerp in 2024

In Januarie is 13 residensiële bouplanne ter waarde van 26,8 miljoen Namibiese dollar goedgekeur, volgens IJG Securities. Dit is ‘n jaar-tot-jaar daling van 31,6 persent in getal en 36 persent in waardeterme. Op ‘n maandelikse basis het die aantal goedkeurings vir residensiële bouplanne met 53,6 persent gedaal. Die 12 maande kumulatiewe data toon dat die aantal residensiële bouplan-goedkeurings met 7,3 persent gedaal het, maar die waarde het met 73,8 persent gestyg. Daarbenewens is nege residensiële geboue met ‘n waarde van 18,4 miljoen dollar voltooi, wat ‘n jaar-tot-jaar-afname in getal van 43,8 persent was, terwyl die waarde vanaf Januarie 2024 onveranderd gebly het.