Vermiste mynwerkers se liggame ná 44 dae gevind

Reddingswerkers het die liggame van vyf mans gevind wat vasgekeer was in ‘n oorstroomde steenkoolmyn in die Indiese deelstaat Assam. DNS-toetse sal gedoen word om hulle te identifiseer. Nege mynwerkers is op 6 Januarie vasgekeer nadat die myn oorstroom het. Die myn is ‘n sogenaamde rotgat-myn weens die nou gat wat met die hand gegrawe word om steenkool te ontgin. Vier liggame is binne die eerste week gevind en die laaste vyf ná 44 dae. Rotgat-mynbou word in Indië verbied, maar onwettige bedrywighede gaan voort.