Fenata sê e-visas op 3 Maart beskikbaar

Die Federasie van Namibiese Toerisme-organisasies het aangekondig dat die nuwe visa-by-aankoms vir internasionale besoekers op 3 Maart geloods sal word. Die aanlyn-platform waarop e-visas vooruit verkry kan word, sal dieselfde dag in werking tree. Hoewel die nuwe visa-regulasies eers op 1 April geïmplementeer sal word, is die nuwe inisiatief daarop gemik om besoekers se reislogistieke te vereenvoudig en ‘n moeitevrye proses te verseker. Dit vorm deel van breër pogings om die land se reis- en toerisme-infrastruktuur te moderniseer, om dit meer toeganklik en verwelkomend vir toeriste sowel as sakereisigers te maak.