Britse jongmense kan nou moeiliker messe aanlyn koop

‘n Nuwe Britse wet sal dit moeiliker maak vir jongmense om messe aanlyn te koop. Die regering het strenger regulasies aangekondig na ‘n aantal noodlottige mesaanvalle waarby jongmense betrokke was. Dit sluit in die tiener Axel Rudakubana wat verlede jaar drie tienermeisies doodgesteek het met ‘n mes wat hy op Amazon kon koop deur ouderdomsbevestigings-reëls te omseil. Die nuwe wet vereis dat verkopers agterdogtige gedrag en grootmaat mesaankope aanmeld en ouderdomstoetse strenger toepas. Handelaars wat messe verkoop aan mense jonger as 18 kan tot twee jaar tronkstraf kry.