Fitch bevestig Namport se langtermyngradering van AA+

Fitch Ratings het Namport se nasionale langtermyngradering van AA+ met ‘n stabiele vooruitsig bevestig. Volgens Fitch speel die Walvisbaai- en Lüderitz-hawens ‘n strategiese rol in streekhandel, en bied mededingende dienste en noodsaaklike verbindings met die Suider-Afrikaanse Ontwikkelingsgemeenskap en globale markte. Namport se finansiële prestasie het verwagtinge oortref. Verdienste voor rente, belasting, depresiasie en amortisasie vir die jaar geëindig Maart 2024 het met 60,3 persent gestyg tot meer as 1 miljard Namibiese dollar. Fitch sê Namport se infrastruktuurbeleggings is ‘n sleutelkrag, Die moderne Walvisbaai-houerterminaal, ondersteun deur staatsbefondsing en waarborge, posisioneer Namport vir langtermyn volhoubaarheid.