Inflasie in tabak, alkoholiese drankies val skerpFebruary 6, 2025

As jy ‘n liefhebber van bier of sjampanje is, is daar goeie nuus in die jongste Verbruikersprysindeks. Die jaarlikse inflasie in die kategorie alkoholiese drankies en tabak in Januarie was 3,5 persent, heelwat laer as die 7,3 persent ‘n jaar gelede. Inflasie van alkoholiese drankies het geval van 7,4 persent in Januarie verlede jaar tot 2,9 persent. Inflasie in bier- en siderpryse het afgeneem tot 1,5 persent vanaf 7,6 persent, die van wit spiritualië tot 4,6 persent van 10,4 persent, en sjampanje en vonkelwyne tot 6,3 persent van 11,6 persent. Tabak-inflasie het gesak tot 6,4 persent van 6,6 persent, met sigaret-inflasie wat 3,9 persent was van 5,3 persent in Januarie verlede jaar.