Rehoboth se dwelm-uitdagings bewys in misdaadbulletin

Die Namibiese polisie het weer talle dwelmbeslagleggings gemaak en in sy jongste misdaadverslag is vyf uit die ses gevalle op Rehoboth. Die bedrae is klein, onder 1 000 Namibiese dollar behalwe vir een waar dwelms van 4 250 dollar gevind is. Dagga en Mandrax oorheers die beslagleggings. Kosmos 94.1 het verlede week met gemeenskapsleier, Manfred Draghoender oor die uitdaging op die dorp gepraat.

Nog ‘n dagga-plantasie is gevind, die een met 21 plante by ‘n 47-jarige man se huis op Blikkiesdorp, Grootfontein. Die waarde is net onder 20 000 dollar beraam.