Gaza: Fase twee se onderhandelinge begin vandag

Israel se Eerste minister Benjamin Netanyahu sal vandag onderhandelinge begin oor die tweede fase van die Gaza-skietstilstand. Hy ontmoet VSA president Donald Trump se Midde-oosterse gesant Steve Witkoff in Washington. Gedurende sy vergadering met Witkoff sal Netanyahu Israel se standpunte met betrekking tot die skietstilstand bespreek. Witkoff sal dan met die amptenare van Egipte en Katar praat wat gedurende die laaste 15 maande tussen Israel en Hamas met die steun van Washington bemiddel het.