Grensafbakening het beduidende impak op ECN

Die Grensafbakeningskommissie het onlangs sy verslag oor kiesafdeling- en streekwysigings ingedien. Die kommissie het onder andere versoek dat sewe streeksgrense gewysig word en heelwat nuwe kiesafdelings geskep word. Die verslag moet nog na die kabinet gaan, wat daaroor sal besluit. Kosmos 94.1 Nuus het gepraat met De Wet Siluka, die woordvoerder van die Verkiesingskommissie, wat die belangrikheid van die verslag vir hul verkiesingsbeplanning onderstreep.