Cyril moet verslag doen oor soldate in DRK

Build One South Africa doen ŉ beroep op president Cyril Ramaphosa om die nasie onmiddellik toe te spreek en volledig en deursigtig verslag te doen oor die Suid-Afrikaanse Nasionale Weermag se bedrywighede in die Demokratiese Republiek die Kongo. Dit volg nadat 13 SANW-soldate gesneuwel het in gevegte met Rwandees-gesteunde M23-rebelle in die DRK. BOSA se woordvoerder, Roger Solomons, sê Ramaphosa moet verduidelik of die SANW se betrokkenheid ŉ onselfsugtige vredesmissie vir die streek is, of ŉ gevaarlike geopolitieke speletjie: