China se nuwe jaar begin vandag 

Dis vandag China se Nuwejaarsdag wat die begin van die jaar volgens die tradisionele Chinese kalender vier. Volgens Chinese sterretekens is dit die Jaar van die Slang, wat ʼn simbool is van wysheid, elegansie en intuïsie. Die feestelikhede duur 15 dae en eindig met die Lanternfees op 12 Februarie. In die Chinese kultuur word rooi as ʼn gelukkige kleur beskou. Daarom versier mense dikwels hul huise en openbare ruimtes met baie rooi lanterns en ander feestelike versierings.