Kaapstad sukkel met betaaldag-moleste
Die Stad Kaapstad se wetstoepassingsagentskappe het hul hande die afgelope naweek na betaaldag vol gehad met die Openbare Noodkommunikasiesentrum wat 1 842 voorvalle aangemeld het. Dit sluit in 619 mediese oproepe, 114 brande, 119 aanrandingsake, 68 gevalle van huishoudelike geweld en 63 motor- en voetgangerongelukke. Die burgemeesterskomiteelid vir Veiligheid en Sekuriteit, JP Smith, sê die toename in baie kategorieë is gevalle waar alkohol ʼn rol speel en waar die fisiese veiligheid van inwoners in gedrang kom.