Bulle, Haaie op wenpad in VRK

Rugby: Die Bulle se 35-22 Verenigde Rugbykampioenskap-oorwinning gister oor die Leeus op Ellispark het sy tol geëis. Die kaptein Ruan Nortjé se knie is ernstig beseer en Elrigh Louw moes daarna ook met ‘n seer knie afgedra word. Die Bulle het nietemin in die tweede helfte drie drieë gedruk. In Wallis het Bongi Mbonambi twee drieë bygedra tot die Haaie se 42-22 bonuspuntoorwinning oor Cardiff. Hulle is nou vierde op die VRK-punteleer. En in Dublin het die onoorwonne Leinster klaargespeel met die Stormers met ‘n bonuspuntwen van 36-12.