Orano-ontsoutingsaanleg werk weer, Swakop kry water

NamWater rapporteer dat die Orano-ontsoutingsaanleg weer operasioneel is en dat Swakopmund se watervoorraad geleidelik terugkeer na normale pomp- en vloeivlakke. Die swael-uitbarsting in die see, wat veroorsaak het dat die aanleg afgeskakel moes word, het bedaar en normale bedrywighede kon hervat. NamWater sê die situasie word deurgaans gemonitor en enige verandering sal dadelik aangekondig word.