Stad Whk sal vandag datum bepaal vir 3de poging om ampsdraers te verkies

Die uitvoerende hoof van Stad Windhoek, Moses Matyayi het aan Kosmos 94.1 Nuus bevestig dat die datum vir die verkiesing van ‘n burgemeester, onderburgemeester en voorsitter van die bestuursraad vandag bepaal sal word. Dit kom na raadslede op 3 Desember uitgestap het en geen kworum op 9 Desember gehaal is nie. Swapo beklee vyf van die 15 raadsetels, terwyl 10 onder die opposisie versprei is. Binnegevegte duur al ‘n geruime tyd voor in die munisipaliteit en daar is gereeld vertragings sedert die raad deur middel van ‘n koalisie saamgestel is.