Reg of weg vir SA-spanne in Europese kompetisies

Rugby: Dis ’n geval van reg of weg vir vyf Suid-Afrikaanse spanne wat hierdie naweek aan die Kampioenebeker en die Uitdaagbeker deelneem terwyl die groepwedstryde einde se kant toe staan. Die Haaie en die Stormers is albei vierde in hulle groepe en het ʼn laaste kans om te kwalifiseer vir die uitspeelwedstryde in die Kampioenebeker terwyl die Leeus en die Cheetahs albei vyfde in hulle groepe is. Albei is onder geweldige druk om te wen om hulle kanse vir die uitspeelwedstryde in die Uitdaagbeker lewend te hou.