Maan nou op lys van bedreigde erfenisterreine

Die maan is op ‘n lys van bedreigde erfenisterreine geplaas, weens vrese vir moontlike plundering en vernietiging wat deur beplande kommersiële reise veroorsaak kan word. Die dophoulys van die Wêreld Monumentefonds sluit gewoonlik kwesbare kulturele terreine op aarde in. Vanjaar se keuses – die eerste sedert 2022 – sluit in Qhapaq Ñan, ‘n pre-Spaanse Andes-padstelsel. Antakya in Turkye en die Noto-skiereiland in Japan, wat deur aardbewings beskadig is, het ook die lys gehaal. Bénédicte de Montlaur, die Monumentefonds se president en uitvoerende hoof, sê die maan is onder die 25 ingesluite terreine as gevolg van toenemende risiko’s te midde van versnellende maanaktiwiteite, wat, na die fonds se mening, onderneem is sonder voldoende bewaringsprotokolle.