Indiese owerhede arresteer 49 vir vyfjaar lange verkragting van meisie

Altesaam 49 mans is in Indië aangekeer vir die jare lange, herhaaldelike seksuele mishandeling van ‘n tiener. Die jong slagoffer is ‘n Dalit, die laagste vlak in die rigiede Hindoe-kastestelsel, wat buitensporig geteiken word vir seksuele geweld in ‘n land met hoë vlakke van misdaad teen vroue. Die onbekende 18-jarige vrou sê sowat 60 mans het haar in die suidelike tuisstaat, Kerala, seksueel misbruik sedert sy 13 was. Die beskuldigdes is aan die vrou bekend en sluit bure en familievriende in.