PDM, LPM verbied om Jeugraad te ontwrig 

 Waarnemende regter Anne-Doris Hans Kaumbi het ‘n hofbevel uitgereik wat geaffilieerdes van die Nasionale Jeugraad verbied om sy bedrywighede te belemmer. Die plaaslike uitsaaier berig die aansoek is laat Maandagaand aangehoor. Die bevel verbied spesifiek Julia Nekwaya van die PDM se jeugliga en William Minnie van die LPM om personeel van die raad te intimideer of die raad se bedrywighede te ontwrig. Daarbenewens het die hof die polisie beveel om hul teenwoordigheid by die raad se kantore te verhoog om die veiligheid van personeel en die ononderbroke funksionering van die organisasie te verseker.