Gerard se Den of Thieves boaan by die loket

Lionsgate se roofriller, Den of Thieves 2: Pantera, het die naweek sy debuut in die eerste plek gemaak in Noord-Amerikaanse fliekteaters. Die film met Gerard Butler in die hoofrol, volg ʼn Los Angeles-polisiebeampte wat in Europa op die spoor is van ʼn gewese vlootsoldaat, Donnie, wat ʼn reuse-diamantrooftog beplan. Donnie word deur O’Shea Jackson Junior gespeel. Disney se Mufasa: The Lion King is in sy vierde naweek steeds tweede en die Paramount-fliek, Sonic the Hedgehog 3, is derde.