Wakudumo gesels oor saaiboere, reën die Okavango en gevare

Die goewerneur van die Kavango-Oos-streek, Bonifatius Wakudumo, sê die onlangse swaar reën in die streek is tot groot voordeel van saaiboerdery asook die Okavangorivier, wat sterker vloei. Die rivier is van kardinale belang vir inwoners van beide Kavango Oos en Wes vir boerdery en visvang, wat hul inkomste verhoog. Terwyl hy met Kosmos 94.1 Nuus gepraat het, het hy die publiek gewaarsku om versigtig te wees naby die rivier, want die hoër watervlakke lok ook gevaarlike diere soos krokodille en seekoeie.