Melkproduksie styg 7,5 persent jaar-op-jaar

Namibië se melkproduksie het gedurende die derde kwartaal van verlede jaar tot 4,2 miljoen liter toegeneem. Dit verteenwoordig ‘n styging van 7,5 persent in jaarlikse produksie en ‘n groei van 11 persent vanaf die vorige kwartaal. Volgens die sentrale bank is die groei grootliks toegeskryf aan ‘n toename in die aantal melkkoeie, en vooruitgang in tegnologie wat die doeltreffendheid van melkproduksie verbeter het. Die suiwel-sektor val nou onder die Lewendehawe en Lewendehawe Produkteraad en produsente moet teen 13 Januarie registreer.