Word lid van die DBV en help diere in nood

Die Dierebeskermingsvereniging het opwindende aktiwiteite vir vanjaar beplan. Jy kan die jaar op goeie voet begin deur ‘n lid te word vir slegs 365 Namibiese dollar, of ‘n dollar per dag, om diere in nood te ondersteun. Danksy die Santa Paws-inisiatief is 344 diere oor die vakansie geborg. Kosmos 94.1 Nuus het gesels met Hanna Rhodin, direkteur van die DBV, wat gesinne aanmoedig om troeteldiere aan te neem en hulle ‘n tweede kans in die lewe te gee. Troeteldiereienaars word ook daaraan herinner om hierdie seisoen waaksaam te bly teen bosluise en dit gereeld te kontroleer.