Dodetal in Tibet-skudding styg tot minstens 126

Die dodetal in die 7,1-aardbewing in ‘n afgeleë streek van Tibet, het tot minstens 126 gestyg. Die aardbewing het meer as ‘n duisend huise in afgeleë Himalaja-dorpies vernietig, ‘n nabygeleë Tibetaanse heilige stad beskadig en besoekers aan ‘n berg Everest-basiskamp geruk. Plaaslike owerhede sê minstens 188 mense is in die aardbewing beseer, met skuddings wat tot in die hoofstad van Nepal, Katmandu, gevoel is. Die naaste groot stad aan die episentrum is die heilige stad Shigatse, die tuiste van die tweede hoogste geestelike leier in Tibetaanse Boeddhisme.