Trump sê Meloni is ‘wonderlik’

Amerika se verkose president, Donald Trump, het die Italiaanse eerste minister, Giorgia Meloni, as ʼn wonderlike vrou beskryf toe sy die jongste wêreldleier geword het wat sy Mar-a-Lago-woning in Palm Beach, Florida, besoek het. Meloni is ʼn lid van die regse Brothers of Italy-party. Sy het in Oktober 2022 aan bewind gekom en dis bekend dat sy bande het met die inkomende Trump-administrasie, en veral sy bondgenoot Elon Musk. Haar besoek aan Florida volg nadat sy verlede maand saam met Trump en Musk gaan eet het tydens die heropening van die Notre Dame-katedraal in Parys.