Mbumba dien sy stukke in, in IPC se hofsaak

President Nangolo Mbumba het in hofstukke onthul dat hy beplan het om stemtyd by alle stemlokale van die algemene verkiesing van November 2024 te verleng maar die Verkiesingskommissie het hom daarvan afgeraai en voorgestel dat verlengde stemmery tot ‘n paar kieslokale beperk moet word. Mbumba het die onthulling gemaak in sy stukke teen die aansoek wat deur die Independent Patriots for Change gebring is om die verkiesing nietig te verklaar. Mbumba, wat as een van die respondente in die verkiesingshofuitdaging aangehaal word, het die IPC-saak as wetlik ongegrond en ligsinnig beskryf.