Bestuurder rol voertuig na hy probeer om dwelms uit te gooi

Die Namibiese polisie het ‘n klag van dwelmhandel teen ‘n bestuurder gemaak na ‘n motorongeluk ongeveer 40 kilometer Suid van Karasburg, op pad Warmbad toe. ‘n Padblokkade is opgerig op die roete en ‘n voertuig het gerol net voor die blokkade. Ses insittendes is behandel en vervoer na die Karasburg-hospitaal. Met verdere ondersoek het die polisie 20 pakkies dagga by die wrak van die voertuig gevind. Een van die passasiers het aan die polisie gesê die bestuurder het die dwelms uit die voertuig gegooi toe hy die padblokkade gesien het en so, beheer oor die motor verloor.