Amerikaanse kongres sal Trump se verkiesingsoorwinning sertifiseer

Die Amerikaanse kongres sal vandag vergader om Donald Trump se presidensiële verkiesingsoorwinning oor vise-president Kamala Harris te sertifiseer. Die prosedure was lank ’n formaliteit in die verkiesingsproses, maar het vier jaar gelede in chaos verander toe Trump-ondersteuners die Capitol bestorm het, sowat 140 polisiebeamptes beseer, die gebou gevandaliseer en wetgewers na veiligheid laat skarrel het. Soortgelyke tonele word nie Maandag verwag nie, met Harris wat ‘n nederlaag erken het en president Joe Biden wat die behoefte aan ‘n vreedsame proses beklemtoon het. Meer as 1 500 mense is aangekla in verband met die bestorming van die Capitol. Trump het onderneem om vinnig kwytskeldings uit te reik na hy op 20 Januarie ingesweer word.