Trump is vies oor halfstok-vlae wanneer hy ingesweer word

Die verkose president Donald Trump kla dat Amerikaanse vlae steeds halfstok sal hang ter ere van wyle president Jimmy Carter tydens sy inhuldiging op 20 Januarie. President Joe Biden het beveel dat vlae vir 30 dae vanaf die dag van Carter se dood op 29 Desember tot halfstok laat sak word, soos gebruiklik wanneer ‘n Amerikaanse president sterf. Trump, wat planne aangekondig het om Carter se gedenkdiens op 9 Januarie in Washington by te woon, sê dit is ongehoord dat vlae halfstok is tydens die insweering van ‘n president.