Dimitrov ervaar liesbesering, onttrek in Brisbane

Die verdedigende kampioen, Grigor Dimitrov, het Saterdag met ‘n oënskynlike liesbesering aan die halfeindronde van die Brisbane International onttrek, skaars ‘n week voor die Australiese Ope. Die ongekeurde Tsjeggiese speler Jiri Lehecka was 6-4, 4-4 voor toe die Bulgaar die baan saam met die fisioterapeut verlaat het vir ‘n mediese onderbreking. Hy het teruggekom maar net een punt gespeel voor hy tou opgegee het. Dimitrov is nommer 10 in die wêreld. Lehecka speel later vandag in die eindstryd teen die Amerikaner Reilly Opelka. Dit sal die 23-jarige Lehecka se vierde eindstryd op die ATP-toer wees.