Besighede steeds sku vir skuld

Groei in skuld wat deur besighede opgeneem is het in November gedaal tot 3,6 persent teenoor 4,4 persent wat in Oktober aangeteken is. In sy ontleding sê IJG Securities dat die verlangsaming veroorsaak is deur verminderde vraag deur maatskappye in die eiendomsbedryf. Oortrokke fasiliteite het ook verder gekrimp met ‘n 8,8 persent daling op ‘n jaargrondslag en eiendomslenings het met 3,9 persent gedaal. Maar lenings is op met 11,9 persent op ‘n jaargrondslag en afbetalingskrediet het groei van 21,3 persent aangeteken.