Vrese dat Ethiopiese vulkaan kan uitbars

Inwoners van die noordooste van Ethiopië is verskuif na tydelike skuildings toe ‘n vulkaan tekens begin toon het van uitbarsting. Die Ethiopiese Geologiese Instituut het op Facebook foto’s geplaas van wat lyk na stof en rook wat kom uit ‘n vulkaan in Awash Fentale in die Afar-streek. Plaaslike media berig inwoners is ontruim uit die gebied wat geraak word, sowat 165 kilometer van die hoofstad Addis Abeba af. Die gebied was die afgelope paar maande ook geneig tot aardbewewings en -skuddings.