Trump op 10 Januarie in swyggeld-saak gevonnis, geen tronkstraf nie

Regter Juan Merchan het beveel dat Donald Trump op 10 Januarie gevonnis sal word in sy swyggeld-saak in New York, minder as twee weke voordat hy as president ingesweer gaan word. Merchan het wel gesê dat hy Trump nie tot tronkstraf of ‘n boete sal vonnis nie, maar hom eerder ‘n onvoorwaardelike ontslag sal gee. Op die manier, sal die oortreding steeds op Trump se kriminele rekord verskyn. Trump het probeer om sy presidensiële verkiesingsoorwinning te gebruik om die saak teen hom van die hand te wys. Trump is in Mei skuldig bevind aan 34 aanklagte van die vervalsing van sakerekords wat verband hou met ‘n betaling van 130 000 Amerikaanse dollar aan die volwasse rolprentster Stormy Daniels.