Taliban verbied vensters wat uitkyk op vroue-gebiede

Die Taliban se hoogste leier het ‘n bevel uitgereik wat die bou van vensters in residensiële geboue wat uitkyk oor gebiede wat deur Afghaanse vroue gebruik word verbied. Bestaandes moet geblokkeer word. Geen gebou mag ruite hê wat ‘n uitsig oor ‘n binnehof, kombuis, of ander plekke wat gewoonlik deur vroue gebruik word bied nie. Die Taliban sê dit kan tot onwelvoeglike dade lei. Munisipale owerhede en ander relevante departemente sal konstruksieterreine moet monitor om te verseker dat dit nie moontlik is om in bure se huise in te sien nie.