Aranos sonder selfoondienste vir paar dae

Inwoners van Aranos en omgewing sal ‘n paar dae moet wag voordat netwerkdienste herstel is. Die dorp het al vanaf gisteroggend geen sein nie na erge weerlig en donderweer die vorige dag. Hoewel die dorp geen reën gekry het nie is netwerktorings beskadig en die herstelwerk sal ‘n paar dae duur. Landlyne en die elektrisiteitsnetwerk is egter nie geaffekteer nie en in volle werking.