Andrada herwin 12% meer tin in derde kwartaal

Andrada Mining het ‘n 5 persent jaar-tot-jaar toename in ertsverwerking aangekondig, met ‘n totaal van 239 240 ton wat in die derde kwartaal van sy 2025-boekjaar, wat op 30 November geëindig het, verwerk is. Die maatskappy het ook ‘n verbetering van 12 persent in sy tinherwinningskoers tot 74 persent aangeteken, terwyl aanlegbenutting met 8 persent tot 93 persent gestyg het. Daar was ‘n 15 persent jaar-tot-jaar toename in tinproduksie en 232 ton is gedurende die derde kwartaal gelewer, vergeleke met 202 ton in dieselfde kwartaal in 2023. Kwartaal-tot-kwartaal prestasie het egter ‘n afname in ertsverwerking van 2 persent gesien as gevolg van meer instandhouding op die breekkring en die verwerking van laergraad gemengde erts. Dit het gelei tot ‘n 2 persent daling in die herwinningskoers vergeleke met die tweede kwartaal.