Fishcor skenk 14 ton vis vir droogtehulp

Die Nasionale Visserykorporasie van Namibië, Fishcor, het deur sy filiaal Seaflower 14 ton vis aan die Namibië Goewerneursforum geskenk vir droogtehulp. Die skenking sal oor al 14 streke versprei word, met elke streek wat 100 bokse vis sal ontvang vir kwesbare gemeenskappe. James Uerikua, die goewerneursforum se voorsitter, het ‘n beroep op die privaatsektor en individue gedoen om by te dra tot droogtehulp regoor die land. Fishcor se uitvoerende hoof, Alex Gawanab, het aangedui die bydrae beklemtoon die maatskappy se toewyding om dringende maatskaplike uitdagings in die land aan te spreek.