Namibië nie meer afhanklik van SA vir handel

Namibië se handelsafhanklikheid van Suid-Afrika het oor die afgelope twee dekades aansienlik afgeneem, en amptelike data wys dat die buurland verlede jaar slegs 36 persent van Namibië se uitvoere ontvang het, vergeleke met 85 persent in 2004. Die ekonoom Robin Sherbourne sê histories was Namibië baie afhanklik van Suid-Afrika weens die Suider-Afrikaanse Doeane-unie, wat ‘n tariefmuur rondom die streek geskep het. Die geleidelike verlaging in die unie se tariewe het Namibië in staat gestel om alternatiewe markte te verken. Sherbourne beklemtoon dat dit gepaard gegaan het met doelbewuste pogings om nuwe handelsverhoudinge te ontwikkel. China en die Europese Unie, wat elk gespesialiseerde produkte verskaf, oorheers nou Namibië se handelslandskap.