Trump se aansoek om skuldigbevinding te laat vaar misluk

‘n New Yorkse regter het die verkose president, Donald Trump, se aansoek van die hand gewys dat sy swyggeld-skuldigbevinding in die lig van presidensiële kwytskelding laat vaar word. Trump is in Mei skuldig bevind op 34 klagte van die vervalsing van sakerekords. Die appèlhof het in Julie beslis dat hy uitgebreide kwytskelding het van strafregtelike vervolging vir amptelike optrede tydens sy ampstermyn. Regter Juan Merchan sê die getuienis wat aan Manhattan se distriksprokureur voorgelê is, hou nie verband met Trump se optrede as president nie.