Multichoice bied gratis inhoud in feesseisoen

MultiChoice Namibia het ‘n Feeslike Oop Venster vir alle DStv- en GOtv-kliënte aangekondig, insluitend stroomdiens-kykers, wat addisionele gratis inhoud tydens die feesseisoen aanbied. Kosmos 94.1 Nuus het met Multichoice Namibia se korporatiewe sakebestuurder, Elzita Beukes, gesels wat die maatskappy se verbintenis tot die verskaffing van uitsonderlike vermaak beklemtoon, deur meer plaaslike en internasionale inhoud aan te bied. Die inisiatief het ten doel om goeie waarde te lewer, deur te verseker dat kykers ‘n wyer reeks inhoud te enige tyd en enige plek gedurende die vakansie kan geniet.