Versigtig waar jy gaan studeer

Institusionele swendelary met tersiêre studies en kwalifikasies is ‘n groot bekommernis, met verskeie organisasies en individue wat die slagoffers van bedrieglike aktiwiteite word. Dit lei dikwels tot finansiële verliese, reputasieskade en ‘n verlies aan vertroue in hierdie instellings. Kosmos 94.1 Nuus het gesels met Lina Ndengu, die bestuurder van bemarking en kommunikasie by die Namibiese Kwalifikasie-owerheid, wat sê as ‘n instelling nie by hulle geregistreer is nie, sal sy kursusse vals wees.