Studie toon Afrika word ergste geraak met klimaat

Afrika stel die minste kweekhuisgasse vry maar word die ergste geraak. Navorsing toon sommige Afrikalande beleef uitdagings soos ʼn tekort aan vroeëwaarskuwingstelsels. Die navorsing het op Ethiopië, Zambië, Uganda, Tanzanië, Kenia, Rwanda, Burundi en Malawi gefokus. Die bevindings sluit probleme in soos swak telekommunikasie en ʼn gebrek aan elektrisiteit in. Slegs 45-persent landelike boere het betroubare toegang tot inligting. Lae geletterdheid beteken boere sukkel om inligting te interpreteer en toe te pas. Aanbevelings sluit in dat klimaat-slim boerdery bevorder en infrastruktuur verbeter word.