Proteas, Pakistan skop af met T20’s

Krieket: Die Proteas en Pakistan speel vanaand in Durban in die eerste van drie T20’s. Heinrich Klaasen sal die Proteas in die afwesigheid van Aiden Markram aanvoer, wat ʼn blaaskans geniet saam met Marco Jansen, Keshav Maharaj, Kagiso Rabada en Tristan Stubbs, wat in die pas afgelope toetsreeks teen Sri Lanka gespeel het. Die tweede wedstryd vind Vrydag in Centurion plaas en die laaste een die volgende dag in Johannesburg. Dit word gevolg deur drie eendagwedstryde en twee toetse.