Ecclestone verkoop sy motor-versameling

Die voormalige uitvoerende hoof van Formule Een, Bernie Ecclestone, sê hy gaan sy hele motor-versameling verkoop. Die versameling bestaan uit 69 motors wat Ferrari’s insluit waarmee renjaers soos Michael Schumacher en Niki Lauda wêreldkampioenskappe gewen het. Die versameling wat oor meer as vyf dekades bymekaar gemaak is, sal deur die sport- en renmotorhandelaar, Tom Hartley Junior, verkoop word. Ecclestone sê hy is lief vir al sy motors, maar dis tyd om te dink wat met hulle sal gebeur as hy sou sterf.