5G-proeflopie (wat laat is) ‘n sukses

MTC, in samewerking met Huawei, het Namibië se eerste 5G-proeflopie, wat in Maart van stapel gestuur is, voltooi. Ten spyte van die mylpaal is Namibië wêreldwyd effe agter, met ander streke wat reeds 6G-ontplooiing ondersoek. Namibië het nog nie 4G ten volle ontplooi nie. Die Internasionale Telekommunikasie Unie ontwikkel 6G sedert 2019. Namibië was een van die eerstes wat 4G kommersieel bekend gestel het. Die besturende direkteur by MTC, Licky Erastus, het die kommentaar by die Ongwediva-handelskou gemaak.